Вработените со обвинувања кон директорката на Токсикологија

Превирањата во токсикологија откако вработените изнесоа серија обвинувања за организациската директорка Бесија Иљази, за која тврдат дека донела дезорганизација на клиниката.

Се случува дезорганизација, а не организација. За помалку од два месеца долгот на клиниката го зголеми за приближно два милиони денари, со дневно работно време од 4 часа и 30 минути, поточно на работа доаѓа во 10:00 часот, а работното време и завршува во 14:30, велат вработените.

Додаваат дека Клиниката за токсикологија нема спроведено постапка за осигурување на имот, осигурување на скапата медицинска опрема и осигурување од лекарска грешка, бидејќи в.д директорката не сака да потпише затоа што не е прифатен нејзиниот брокер за осигурување и моментално клиниката два месеци не е осигурана, иако за тоа е со закон обврзана.

Поради одбивање да потпише согласност за договор на дело за двајца дипломирани биолози, токсиколошката лабораторија веќе два месеци не врши валидација на издадените резултати, велат вработени во Токсикологија.

Известува Борис Грујоски