Сенатот го усвои пакетот помош за Украина

Американскиот Сенат со широка двопартиска поддршка го усвои долго одложуваниот пакет помош од 95 милијарди долари за Украина, Израел и Тајван, испраќајќи ја легислативата до претседателот Бајден на потпис. Киев добива речиси 61 милијарда долари од пакетот. Зеленски преку социјална мрежа изрази благодарност до сите сенатори. Претходно и Британија вети дека испраќа оружје во вредност од 620 милиони долари за Украина.

„Разговаравме за деталите со премиерот Сунак, важно е оружјето да се испорача навреме. Оклопни возила, како и чамци за да се обезбеди нашата економска безбедност во црното море. И благодарам и на Данска за дополнителната поддршка од 380 милиони евра“, изјави Володимир Зеленски, претседател на Украина.

САД го поздравија потегот на велика Британија, како и одлуката на земјата за зголемување на трошоците за одбрана за 2,5 насто. Во истовреме, севернокорејска делегација заминува во посета на Иран, кој и обезбеди голем број балистички ракети на Русија за употреба во војната со Украина.