Голем антивладин протест во Буенос Аирес
Ова е најголемиот протест досега против мерките за штедење на претседателот Хавиер Милеи...
Стотици илјади Аргентинци излегоа на улиците во Буенос Аирес на антивладин протест, револтирани поради кратењето на буџетот на државните универзитети.
Ова е најголемиот протест досега против мерките за штедење на претседателот Хавиер Милеи. Тој се соочува со наследената економска криза по долгогодишното трошење на владата и со ригорозните мерки успеа да оствари тримесечен фискален суфицит на почетокот на годината. За сметка на тоа илјадници јавни службеници останаа без работа, а тој се соочи со бројни протести. Работничките синдикати, опозициските партии и приватните универзитети ги поддржаа протестите.
„Да се изгради нација на слободни луѓе, за тоа е образованието. Да се генерира критичка свест“, порача демонстрантка.
„Протестирам затоа што верувам дека земја без образование ја осудува својата иднина, ги осудува новите генерации“, рече еден од демонстрантите.
„Протестираме за да и укажеме на актуелната влада, колку се важни националните универзитети за нашата земја за иднината на населението. Нешто што му припаѓа на нашиот народ, наследство кое не треба да се допира“, изјави друга.