Силјановска-Давкова и Пендаровски одат во вториот круг од претседателските избори

Според првичните резултати од Државната изборна комисија од обработени речиси 100 проценти од гласачките ливчиња, најмногу гласови на вчерашните претседателски избори освои кандидатката на ВМРО-ДПМНЕ, Гордана Силјановска-Давкова 362.682 или 40,08%, пред Стево Пендаровски од СДСМ со 180.306 или 19,93% од гласовите.

Трет е Бујар Османи, Арбен Таравари е на четврто место, Максим Димитриевски е петти, Билјана Ванковска на шесто место и Стевчо Јакимовски е седми по ред по освоени гласови.

Одѕивот на првиот круг од претседателските избори е над 48 проценти.

За попладнево е најавена седница на ДИК за конечните резултати. Известува Марина Стојанова- Тонева.