Загинати и повредени во торнадо во Кина

Најмалку пет лица загинаа, а 33 се повредени во силно торнадо што го погоди јужниот кинески град Гуангжу. Забележани се налети на ветер од 20,6 метри во секунда.

Допрва ќе се врши увид за материјалната штета. Торнадото од 3 ниво доаѓа во момент кога провинцијата Гуангдонг се бори со рекордни поплави предизвикани од обилните дождови, во кои животот го загубија најмалку четири лица, а 10 сè уште се водат за исчезнати.