Во Битола одбележани 23 години од загинувањето на бранителите кај Вејце
Пред спомен обележјата посветени на битолските бранители кои во конфликтот кај Вејце на денешен ден пред 23 години храбро ги положија животите, на олтарот на татковината одадена почит и положени букети цвеќиња...
И по 23 тажни години остануваат во колективната меморија имињата на битолските загинати бранители кај Вејце Маријан, Илчо Бошко и Кире. Од здружението „Херој на Македонија“, од пред споменикот „Ангел“ изразија огорчување што на ова место пред неколку месеци се случи еден провокативен вандалски чин.
Ова е само уште една опомена ваквите настани да не се повторат, а политичките партии да ги намалат националните реторики рече дополнителниот министер за внатрешни работи, Бојмацалиев.
Годинешново чествување ќе остане запаметено и по големата присутност. Од страна на семејствата и институциите на спомен обележјата беше одадена почит и положени букети со свежо цвеќе.
Стевче Митревски