Продолжуваат обидите за постигнување примирје во Газа

Израелската армија подготвена да ги евакуира палестинските цивили од Рафах пред да ги нападне упориштата на Хамас. Генералштабот ги одобри плановите за продолжување на војната во Газа. Нов телефонски повик на линија Бајден-Нетанјаху. САД и натаму се противат на планот на Тел Авив. Обидите за прекин на огнот сè уште се во тек-потврди белата куќа. Делегација на Хамас заминува за Каиро.

„Она што се надеваме е дека по шест недели привремен прекин на огнот, можеби ќе можеме да постигнеме нешто поиздржливо“, изјави Џон Кирби, портпарол на Белата куќа за национална безбедност.

Американскиот државен секретар Блинкен почнува нова турнеја во обид да се постигне примирје. По разговорите во Ријад, заминува за Јордан и Израел. Палестинскиот претседател Абас претходно изјави дека само САД можат до го спречат Израел во намерите за Рафах.