Земјотрес од 4,3 степени утрово во Србија

Земјотрес со јачина од 4,3 степени според Рихтеровата скала е регистриран утрово во 7 часот и 42 минути во Кладовскиот регион, во Србија, соопшти Републичкиот сеизмолошки завод.

Земјотресот е почувствуван во Зајечар, Неготин, Доњи Милановац, Бор, Белград како и во други градови во источна Србија.

Теоретскиот интензитет во епицентарот е проценет на VI степен од Меркалиевата скала.

Земјотреси со ваков интензитет може да предизвикаат помали оштетувања на објекти во епицентралното подрачје, се наведува на веб-страницата на Републичкиот сеизмолошки завод.