Колективните договори пресудни за остварување на работничките права
Синдикалната упорност е вечна, но колективните договори се пресудни за остварување на работничките права, ги спасуваат вработените во низа ситуации со работодавачите, велат синдикалните лидери. Ги охрабруваат да формираат и синдикалните организиации и во приватните компании...
Само синдикалното организирање ја нуди шансата работниците да бидат победници за своите права, вели Роберт Богданоски кој повеќе од две децении беше на чело на синдикалното организирање, низ протести и штрајкови за правата на работниците во прилепската наменска фабрика „Еурокомпозит“. За жал, фабриката ја нема, но синдикалната упорност „спаси“ околу 200 работници да остварат права од технолошки вишок или стечај. Многу се битни колективните договори.
Богданоски ги охрабрува младите работници во приватните компании да воспостават синдикални организации. Не разбира зошто на компаниите им пречи тоа, кога велат дека ги зголемуваат платите и бенефициите за работниците.
Владите досега немале слух за работничките права, смета Богданоски. А работниците, доколку сфатат дека е пресудно синдикалното организирање, ќе се успее во вечната борба за работнички права.
Елизабета Митреска