Денеска гласаат затворениците

Во пресрет на двојните избори – вториот круг од претседателските и парламентарните избори (8 мај), денеска во земјава ќе гласаат болните и изнемоштени лица чии пријави биле прифатени од општинските изборни комисии. Гласаат и затворениците, лицата во притвор и во вонсемејни заедници, како и две раселени лица. За претседателските избори денеска се гласа и во дипломатско-конзуларните претставништва.

Во казнено-поправните установи, според изводот во избирачкиот список, за гласање се запишани 2.147 затвореници и лица во притвор. Борис Грујоски известува за процесот на гласање во затворот „Идризово“.