Расте интересот за сертификати за безбедност при работа

Интересот за вадење на сертификати за здравје и безбедност при работа сè поголем кај работодавците. Нивната свест за заштита на здравјето на вработените оди во нагорна линија, но голема улога играат и зачестените контроли на трудовата инспекција во фирмите, велат здравствените работници.

Дел од граѓаните кои ги анкетиравме, велат дека можеби се внимава на безбедноста и на физичкото здравје на вработените, но сè почесто се нарушува менталното здравје со оглед на големиот притисок кој го трпат вработените, пред сè во форма на мобинг.

Има голем број на прегледани работници во јавниот и во приватниот сектор. Но, сертификатите за здравје и безбедност при работа треба да ги извадат сите претпријатија без разлика колкав е ризикот на работните места на нивните вработени, дополнуваат здравствените работници.

Зоран Димовски