Си на средба со Орбан

Кинескиот претседател Си Џинпинг, на последната станица на европската турнеја на средба со унгарскиот премиер Орбан и официјални претставници во Будимпешта, на разговори за војната во Украина и за локалните инфраструктурни проекти.

Си пристигна во главниот град на Унгарија по средбата со српскиот претседател Вучиќ во Белград.

Неговата европска турнеја почна на 5-ти мај во Франција, каде што претседателот Макрон и лидерите на ЕУ го повикаа да ги олесни кинеските трговски ограничувања и да го притисне рускиот претседател Путин да стави крај на инвазијата на Украина.