Швајцарија по трет пат победник на Евровизија
Немо ја претставуваше Швајцарија со песната „The Code“. Со специфичниот и емотивен настап Немо ја освои европската публика, а до првото место дојде најмногу благодарение на гласовите на жирито од 37 земји.
Немо на Швајцарија ѝ ја донесе третата победа на Евровизија. На второто место се најде Хрватска, додека третото место ѝ припадна на Франција.
Немо ја претставуваше Швајцарија со песната „The Code“. Со специфичниот и емотивен настап Немо ја освои европската публика, а до првото место дојде најмногу благодарение на гласовите на жирито од 37 земји.
Годинава се натпреваруваа 25 земји, а финалето го отвори Шведска која победи минатата година. По натпреварувачката програма следеше ревијалниот дел од вечерта.
Поранешните победници на Евровизија ја испеаја песната „Ватерло“ на легендарниот шведски бенд АББА. Пред тоа беше прикажан нивниот настап на Евровизија пред 50 години, а што следеше откако вештачки генерираните членови на бендот АББА испратија пораки до гледачите.
Овогодинешниот Избор на песна за Евровизија беше проследен со бројни инциденти, од протести поради настапот на Израел до дисквалификацијата на Холандија.