Одбележување на Меѓународниот ден на семејството на УКИМ

Институтот за семејни студии на Филозофскиот факултет на УКИМ денеска ќе го одбележи Меѓународниот ден на семејството 15 Мај кој е прогласен од Обединетите нации во 1993 година.

Настанот ќе го отворат раководителката на Институтот за семејни студии Ирена Авировиќ-Бундалевска, деканот на Филозофскиот факултет Ратко Дуев, претседателот на студентското собрание на факултетот Дамјан Бужарвски и Тања Јосимовска, одделенски наставник во ООУ „Лазо Ангеловски“-Скопје. Пред нивните обраќања, ќе има ликовна работилница со ученици од ова училиште.

Ќе бидат промовирани Протокол за обезбедување квалитет за семејна поддршка и студентското списание „VOX“.