Запален автомобилот на директорот на затворот КПУ „Идризово“

Ноќеска, по полноќ, бил запален службениот автомобил „пасат“ на Зоран Јовановски, директорот на затворот КПУ„Идризово“. Настанот се случил на улицата „Михаил и Ефтихиј“, зад економското училиште, во скопската населба Кисела Вода.

Од пожарот бил зафатен дел и од фасада на зграда и предмети на балкони на долните катови од зградата. Пожарот бил изгаснат од екипа на Бригадата за противпожарна заштита Скопје, а повредени лица нема.

Пожарни возила го изгасиле запалениот автомобил.

Повеќе детали за инцидентот очекуваме од МВР.