Управен суд на јавни седници ќе одлучува за 7-те тужби на „Европскиот фронт“

На јавни седници, Управниот суд ќе решава по 7-те тужби од „Европскиот фронт“ против решенијата на Државната изборна комисија. Со оглед на роковите за постапување и одлучување, Управниот суд итно ги презема сите процесни дејствија согласно со Изборниот законик, се вели во соопштението од претседателот на Судот, Бурим Сејдини.

На вчерашната јавна седница, постапката по тужбата од коалицијата „Вреди“ беше прекината, откако овластениот претставник ја повлече тужбата во целост за избирачко место во Долна Бањица, гостиварско.