Неопходна е соработката меѓу локалната самоуправа и омбудсманот за заштита на правата на граѓаните
За ефикасна заштита на правата на граѓаните, неопходна е соработката меѓу локалната самоуправа и Народниот правобранител. Ова беше констатирано на работилницата на оваа тема одржана во Општина Кавадарци во организација на Канцеларијата на Народниот правобранител, како дел од проектот поддршка на Европската унија и владеење на правото...
Соработката меѓу Народниот правобранител и локалната власт е од суштинско значење за остварувањето на правата на граѓаните, истакна народниот правобранител Насер Зибери во рамки на работилницата на оваа тема одржана во Општина Кавадарци.
Зибери е свесен за како што вели, тешкотиите на општините, а пред сè немањето доволно средства и кадар за справување со проблемите на граѓаните на локално ниво. Тој изрази надеж дека ваквите средби ќе придонесат за утврдување и надминување на слабостите.
Зибери ја поздрави како што рече транспарентноста и отчетноста во Кавадарци, а ги пофали и достигнувањата во областа на детски права и образование. Градоначалникот на општината, пак, Митко Јанчев рече дека се трудат секогаш редовно да одговорат на потребите на граѓаните.
Во рамките на дискусијата на работилницата, учествуваа и претставници од невладиниот сектор.
Марија Котовска