Мицкоски на средба со „Македонија 2025“
Следува забрзан економски развој и подобрување на животниот стандард на граѓаните...
Лидерот на ВМРО-ДПМНЕ Христијан Мицкоски, заедно со потпретседателот Гордана Кочоска Димитриеска, членовите на ИК Сања Божиновска и Трајко Славески, меѓународниот секретар Стефан Андоновски и Зоран Ставрески, оствари средба со раководството на „Македонија 2025“.
Како што соопштуваат од партијата, на средбата беше потенцирана потребата од забрзан економски развој на Македонија и трансформација на државата, за што Мицкоски кажа дека е еден од приоритетите на ВМРО-ДПМНЕ како идна влада.
Владата предводена од ВМРО-ДПМНЕ ќе овозможи регулативна предвидливост за компаниите, поволен и ефикасен даночен систем и даночна администрација. Воедно потенцирано е дека владата ќе работи на целосна дигитализација и на институциите и на услугите.
За да се подобри животниот стандард на граѓаните, потребно е да се подобри бизнис климата, што е еден од главните приоритети на ВМРО-ДПМНЕ, стои во соопштението од партијата.