Медот повеќе се користи како лек отколку како храна
Словенија пред седум години иницирала во ООН, 20-ти мај да се прогласи за Светски ден на пчелите. Ако до пред две години тегла мед можеше да се купи и за 400-тини денари, сега цената е од 600-тини до 1.200 денари...
Марина Митревска 26 години се занимава со пчеларство. Вели дека во последниве години се поизразените климатските промени, влијаат на приносот, но и на опстанокот на самите пчели. Ако до пред две години тегла мед можеше да се купи и за 400-тини денари, сега цената е од 600-тини до 1.200 денари.
Пчелите се важни за екосистемот, влијаат на приносот и на растителните култури – вели деканот на Факултетот за земјоделски науки Миле Маркоски.
Словенија пред седум години иницирала во Обединетите Нации, 20-ти мај да се прогласи за Светски ден на пчелите.
„Потребно е подигнување на свеста за значењето на пчелите за екосистемот. И загадувањето и инвазивното земјоделство креираат многу проблеми за производство на мед и останати производи од мед“, изјави Грегор Прескер.
Нашите граѓани годишно трошат по една тегла мед по глава на жител што е за десетпати помалку од потрошувачката на овој продукт во другите земји. Кај нас повеќе се користи како лек отколку како храна.
Александра Велинова