Првиот смарт-бојлер во светот е од македонско производство

Mобилен телефон наместо вас ќе го управува семејниот бојлер. Овој македонски изум на велешката комапнија „Леов компани“ функционира преку апликација која е бесплатна и може да се превземе  од интернет. Заштедата на електричната енергија до 40 проценти е втората значајна компонента.

„Не треба  физички никој да биде присутен дома да го уклучи бојлерот туку тоа може да се направи преку смарт уред односно телефон таблет и така натаму“, рече Златко Леов, сопственик на компанијата која го произведува овој паметен бојлер.

За Стопанската комора овој иновативен производ е потврда дека домашните производители имаат капацитет да се натпреваруваат со странските компании.

„Имаме многу македонски компаниии кои што внесувајќи иновативност ја смалуваат цената и ја зголемуваат цената на своите производи, и со тоа ќе се зголемува нашиот извоз, а ние како мала економија немаме друг избор освен да го зголемуваме извозот“, рече Бранко Азески, претседател на Стопанската комора на Македонија.

Wi-fi бојлерот на „Леов компани“ за две недели ќе има своја промоција на американскиот пазар. Компанијата постои 30 години и досега има произведено седум милиони бојлери. Извезува во 25 земји.

Дијана Иванова