Потребна е стратегија за зголемување на домашното производство
Од земјоделска земја која извезуваше, станавме увозно зависни од храна. Ако продолжи трендот на увоз од 80 отсто ќе бидеме 100 проценти зависна земја. Потребни се итни реформи и стратегија да се искористат природните ресурси и потенцијалот на земјоделството да го зголеми растот порачуваат земјоделците, трговците и директорот на Светска банка за Северна Македонија, Масимилијано Паолучи...
Само договорено производство може да биде продуктивно, за да бидат задоволни и земјоделците и трговците. Потребни се откупни центри, функционални водоводни мрежи, поддршка за младите земјоделци, субвенциите да одат во вистинските раце, а не кај т.н. земјоделци и подобрување на инфраструктурата, порачуваат од Федерацијата на фармери на Македонија.
Приходите не се доволни еден земјоделец да опстане, а не па да профитира и да се модернизира. Недостасуваат суровини, технолошки развој, економски промотори и загарантирана минимална откупна цена, порачува Миле Цеков, стопанственик.
Земјоделството има силен потенцијал да ги зголеми растот, продуктивноста и работните места, но потребна е стратегија, реформи кои ќе овозможат користење на природните ресурси, вели Масимилијано Паолучи, директорот на Светска Банка за МТВ. Тоа ќе овозможи зголемување на домашното производство и на извозот.
Милијарда евра е тежок увозот на храна во 2023-та година.
Александра Велинова