Заштеди во училиштата по поставени фотоволтаици

Кумановските средни училишта евидентираат заштеди по поставувањето на фотоволтаици. Надлежните од училиштата информираат дека според првичните проценки заштедата е задоволителна, сметките за електрична енергија се значајно намалени. Укажуваа дека е потребно повеќе време за да се види заштедата. Од гимназијата „Гоце Делчев“ појаснуваат дека произведената струја од фотоволтаици ја користат за затоплување, осветлување, работа на компјутери.

„Функција на фотоволтаици е веќе од мај 2023-та година во употреба и се забележува значителна заштеда на финансиските средства и сме задоволни секако односот на она што сме го плаќале без фотоволтаици и сега е многу поголем. Околу 3:1 заштеда“, истакна Марија Тодоровска, директорка гимназија „Гоце Делчев“ Куманово.

И од средните училишта Перо Наков двата објекти, и техничкото Наце Буѓони, потврдуваат дека е слична состојбата со новите сметки за струја.

„Значителна заштеда на електричната енергија и во нашето училиште претходно инвестиравме и во замена на светилки, поставивме ЛЕД сијалици речиси во целото училиште и во македонскиот и во албанскиот објект“, истакна Мила Жибак Димковска, ССУ „Перо Наков“ Куманово.

Овие училишта претходно беа реконструирани. Добија нови енергетски ефикасни фасади.

Освен заштеда зелените инвестиции според надлежните треба да придонесат и за почиста животна средина.

Елена Георгиева