Бесплатни прегледи во нефролошки пунктови од следниот месец
Од наредниот месец ќе се отвараат регионални нефролошки пунктови низ цела Македонија за рано откривање на бубрежните заболувања. Откако матичниот доктор ќе го утврди степенот на бубрежната функција, доколку има потреба ќе го упати пациентот на пунктовите...
По неколку 100- тини ново заболени годишно од хронична бубрежна болест. Раното откривање е главен предуслов да се намалат ризиците. Токму затоа, ресорното министерство најавува специјални пунктови низ државава.
„Во овие нефролошки пунктови, односно амбуланти ќе се врши анализа на крв и урина врз основа на кој ќе се проценува бубрежната функција на пациентот и во зависност од резултатите ќе се препорача соодветна режим на исхрана или соодветна терапија. Првично матичниот доктор го утврдува степенот на бубрежната функција и доколку има потреба го упатува во овие пунктови“, изјави министерот за здравство, Никола Тодоров.
Боелста е честа, штетна, но може да се лекува. Потребно е да се открие навреме велат нефролозите. Постојат неколку ризик- фактори за ова заболување.
„Возраста на населението, присуство на шеќерна болест, присуство на покачен крвен притисок, гојазност и злоупотреба на лекови особено оние кои се земаат за главоболка“, рече Александар Шиколе, директор на Нефрологија.
Прегледите на нефролошките пунктови и лабораториските анализи нема да се наплаќаат.
Ана Јосифоска- Тодоровска