Намален бројот на дипломирани студенти минатата година во однос на 2022 година
Според податоците на Заводот за статистика добиени од пристигнатите извештаи, во 2023-та година дипломирале 7.422 студенти на додипломски студии на високите стручни школи и на факултетите што е намалување за 0,81 проценти во споредба со 2022-ра година...
Државниот завод за статистика објави дека во 2023-та година е намален бројот на дипломирани студенти во однос на 2022-та година.
Според податоците на Заводот за статистика добиени од пристигнатите извештаи, во 2023-та година дипломирале 7.422 студенти на додипломски студии на високите стручни школи и на факултетите што е намалување за 0,81 проценти во споредба со 2022-ра година.
Од вкупниот број дипломирани студенти, 6 043, односно 81,4 проценти се редовни студенти, а 1.379, односно 18,6 проценти вонредни студенти. Од вкупниот број дипломирани, 64,8 проценти се дипломирани студентки.
Триесет и седум проценти дипломирале во рокот, а 63 проценти по рокот.