Директен судир на автобус и автомобил кај Младеновац, еден загинат и голем број повредени

Возач на автомобил загина при судир со автобус кај Мали Пожаревац, во соседна Србија.

Повредени се повеќе од 20 лица, а екипи на итната помош се на терен. Повеќето од повредените се здобиле со полесни повреди.

Несреќата се случила во 5 часот и 40 минути на приодниот пат кој води од Младеновац кон автопатот и клучката Мали Пожаревац. Во судир на автобус на приградската линија 493 и патнички автомобил загинал возач на патничко возило.

Повредените со брза помош и приватни автомобили се пренесени во Ургентниот центар.

Истрагата е во тек.