Северна Кореја испрати балони полни со ѓубре во Јужна Кореја
Војската на Јужна Кореја го осуди овој чин како јасно кршење на меѓународното право, предупредувајќи ги своите жители да останат во домовите и да не ги допираат белите балони и пластичните кеси закачени на нив бидејќи содржат „гнасен отпад и ѓубре“...
Северна Кореја пушти 90 балони преку границата со јужниот сосед полни со пропагандни летоци и ѓубре. Војската на Јужна Кореја го осуди овој чин како јасно кршење на меѓународното право, предупредувајќи ги своите жители да останат во домовите и да не ги допираат белите балони и пластичните кеси закачени на нив бидејќи содржат „гнасен отпад и ѓубре“. Инцидентот се случува неколку дена откако Пјонгјанг соопшти дека ќе возврати на честото ширење летоци и друго ѓубре во пограничните области од активистите на југот.
„Тие од прва рака ќе искусат колку напор е потребен за да се отстрани сметот“-рекоа властите на Пјонганг.