За земјоделците поголем буџет
Поголем буџетот за земјоделците во 2014 година. Најмногу пари се планира да се потрошат за субвенции и за капитални објекти за наводнување...
Во 2014 година Министерството за земјоделство најмногу пари ќе потроши за водостопанството.
Ќе се инвестира во хидроситемите Зелтовица, Лисиче и Јужновардарска долина.
Во Кочанско почната е изградбата на брана на Оризарска река со која ќе се наводнуваат 1.700 хекари и на брана на реката Коњско за 4.500 хектари.
Во 2014 година најмногу пари ќе се одвојат и за субвенции.
Агенцијата за финансиска поддршка на земјоделството ќе има на располагање 140 милиони евра, што е за 5 милиони евра повеќе од 2013 година.
Средствата ќе бидат поголеми и за руралниот развој и ќе изнесуваат 26 милиони евра.
Со кофинансирање од 50 проценти ќе се подржат инвестициите за подобрување на конкурентноста и модернизацијата на земјоделските стопанства, инвестициите за обновливи извори на енергија и руралната инфраструктура и туризам.
Методија Трајков