Управен ја одби тужбата на „Европски фронт“ за прегласувањето во Желино

Управен суд ја одби тужбата на „Европски фронт“ за прегласувањето во Желино, за изборното место 2101 во село Ларце, а го потврди решението на ДИК. Со прегласувањето на ова избирачко место, коалицијата „Европски фронт“ загуби еден пратеник, додека „Вреди“ доби еден пратенички мандат.

По пресудата од Управниот суд, ДИК треба да донесе одлука и собранието да го верификува последниот пратенички мандат. Се очекува да го соопшти и името на новиот пратеник кој доаѓа на местото на Касами, кој задржува функцијата градоначалник на Тетово.

По составот на Владата, Државната изборна комисија ќе одлучува дали и кога ќе има гласање за нови градоначалници, каде што досегашните станаа дел од новиот пратенички состав и Владата.