САД бара хуманитарен пристап до енклавата

Проширената офанзива на Израел во јужниот град Рафах во Газа допрва треба да се докаже дали претставува голема операција, велат од Стејт департментот. САД одново го повикуваат Израел да дозволи хуманитарен пристап во енклавата и да ги поштеди цивилите.

„Вистината на фактите на теренот е дека допрва треба да видиме голема воена операција во Рафах. Видовме пораст во воените операции на границата, на коридорот Филаделфија и во периферијата, но не видовме голема операција. Ќе следиме што се случува“, изјави Ведант Пател, заменик портпарол на Стејт департментот.

Соединетите држави не беа во можност да извршат воздушни фрлања на дополнителна хуманитарна помош поради временските услови и тековните операции на Израел во Рафах, изјавија од Пентагон.