Продолжи судењето против кумановскиот градоначалник

Во кумановскиот суд продолжи судењето против градоначалникот на Куманово, Максим Димитриевски, кого двајца инвеститори го обвинуваат за злоупотреба на службена положба и овластување. На рочиштето судот прифати но и одби дел од доказите на одбраната и обвинителството. Наредните две рочишта на кои ќе се искажат оштетените и сведоците во постапката, се закажани за јуни.

Според обвинението, Димитриевски не потпишал решение за градба и пресметка за надомест за уредување на градежно земјиште и им нанел штета од 3,3 милиони денари.

Дополнително поткрената е и граѓанска постапка во која оштетените бараат околу 93 милиони денари. Димитриевски и неговата бранителка одбија да се обратат пред медиумите. Адвокатот на оштетените задоволен од прифатените докази.