29 починати во Индија од топлотен бран

Во Бихар во Индија во последните 24 часа од топлотен удар починале 29 луѓе. Најмногу смртни случаи (12) имало во областа Аурангабад, каде живата се искачила над 48 степени Целзиусови. Шест починати се пријавени во областа Бојпур, а по четири во Рохтас и Џеханабад, јавува индиското радио AIR.

Над 200 луѓе се разболеле од топлотен удар, поради рекордно високите температури од над 45 Целзиусови степени.