Потпретседателката Камала Харис ќе присуствува на мировниот самит за Украина во Швајцарија

Американската потпретседателка Камала Харис ќе присуствува на мировниот самит во Украина во Швајцарија, соопшти денеска Белата куќа.

Харис, на која ќе и се придружи советникот за национална безбедност Џејк Саливан на состанокот на 15 јуни во Луцерн, „ќе ја нагласи посветеноста на администрацијата на Бајден-Харис да ги поддржи напорите на Украина да обезбеди праведен и траен мир“.

Харис ќе отпатува во Луцерн, Швајцарија, за да ја нагласи посветеноста на Вашингтон да ги поддржи напорите на Украина да обезбеди праведен и траен мир, заснован на суверенитетот и територијалниот интегритет на Украина и принципите на Повелбата на ОН, рече заменик-директорката за комуникации на претседателот, Кирстен Ален.