Во Куманово сè уште трае епидемијата од пертусис

Вкупно 39 лица на територија на Куманово којашто ја покрива Центарот за јавно здравје, се заболени од пертусис. Епидемијата од голема кашлица сè уште е во тек. По четири случаи се евидентирани и во Крива Паланка и Кратово. Првиот случај на голема кашлица во Куманово беше евидентиран на 6-ти февруари.

„Заболените од последните пријавени случаи се на различна возраст од доенчиња до постари лица. Повеќето од заболените се дечиња, под една и до четири годишна возраст“, велат од Центарот за јавно здравје Куманово.

Најдобрата заштита за дечињата од оваа болест е имунизацијата. Тоа е и препораката на здравствените лица, но и на граѓаните.

Според статистиката на Центарот за јавно здравје половина од заболените биле имунизирани.

Поради актуелната состојба продолжуваат мерките за засилени епидемиолошки истражувања, откривање сомнителни случаи, проверки на вакцинални статуси и привремено отсуство од установите.

Препорака до установите особено градинките е да не се примаат деца со сомнителна кашлица и температура, зајакнати се мерките за хигиена, забрани за посета во болницата на хоспитализираните.

Елена Георгиевска