Средношколците од денеска на распуст

Денеска завршува учебната година за средношколците. За основците распустот почнува идниот понеделник. Годинава за првпат користеа и пролетен распуст. И овој пат проблеми со свидетелствата, за кои тендерот тежок 120 илјади евра, иако беше објавен во март, до училиштата се доставуваат неколку дена пред крајот на наставата, но и со печатењето на новите учебници.

Од Министерството за образование тврдат, учебници на први септември ќе има. од бирото за развој на образованието потврдија дека од 7-ми до 13-ти јуни ќе трае доставата на свидетелствата за сите ученици од основно и средно училиште, освен за деветтоодделенците и за тие кои завршуваат средно, бидејќи веќе биле доставени во првата половина на мај, заедно со педагошката документација.