Претседателката Сиљановска-Давкова ќе учествува на конференција за обнова на Украина во Берлин

Претседателката Сиљановска-Давкова денеска и утре ќе учествува на конференција за обнова на Украина во Берлин. На конференцијата, чии домаќини се германскиот канцелар Олаф Шолц и украинскиот претседател Володимир Зеленски, е предвидено учество на шефови на држави и влади, претставници на меѓународни организации, на бизнис и граѓанскиот сектор.

Шефицата на македонската држава ќе има свое обраќање. Конференцијата е продолжение на серијата годишни настани на високо ниво посветени на брзо закрепнување и долготрајна реконструкција на Украина, по почетокот на руската воена агресија.

Клучна цел на настанот е да се обезбеди континуирана меѓународна поддршка за обнова, реконструкција, реформи и модернизација на Украина.