Уште една година без сите учебници
Завршува уште една учебна година со старите проблеми – учениците повторно останаа без книгите. Дел воопшто ги немаше, други имаа грешки. Невладините критикуваат, од МОН со ново уверување – идната година ќе го нема овој проблем...
Без учебници ја почнаа, без печатени учебници по дел од предметите и ќе ја завршат учебната година. Со ова, на учениците им се скратува едно од основните права, правото на квалитетно образование. Од „Меѓаши“ ова го оценуваат како несериозно и очекуваат МОН следната година да ја исправи грешката.
Државниот советник за образовни политики пак, Сафет Незири, тврди дека Министерството за образование и наука не е виновно поради тоа што нема учебници, бидејќи Националната комисија ги одобрува.
Тоа не е единствениот проблем со кој се соочуваат учениците. Булингот, врсничкото насилство, самоповредувањето, сè почесто се присутни во училиштата.
Досега над 300 професори и 50 средни училишта се вклучени во процесот на мировно образование.
Александра Велинова