Поздравена резолуцијата за прекин на огнот во Газа

На хуманитарната конференција за Газа во Јордан, Генералниот секретар на Обединетите нации, вели дека е крајно време за прекин на огнот. Изјавата следи еден ден откако Советот за безбедност со големо мнозинство ја одобри резолуцијата за ставање крај на осуммесечната војна меѓу Израел и Хамас.

„Ужасот мора да престане. Крајно време е за прекин на огнот заедно со безусловно ослободување на заложниците. Ја поздравувам мировната иницијатива. Ги повикувам сите страни да ја искористат оваа можност и да постигнат договор и да ги почитуваат обврските од меѓународното хуманитарно право“, изјави Антонио Гутереш, генерален секретар на Обединетите нации.

Претходно, од Хамас потврдија дека ја прифаќаат резолуцијата за ставање крај на војната и се подготвени да преговараат за деталите.