Комитет за безбедно мајчинство за намалување на смртноста кај доенчињата

Веднаш по породување или во првата недела од животот во Македонија годишно умираат околу 200 бебиња. Најчестата причина е предвременото раѓање. Се почесто третираме бебиња родени на крајот на 6 - от месец, вели доктор Софијанова. Овие бебиња се со ниска родилна тежина, а имаат и вродени аномалии. Иако во последните години се намалува смртноста на доенчињата, бројките ги мобилизираа лекарите.  Формиран е Комитет за безбедно мајчинство кој треба да утврди дали навреме се третира мајката, дали постојат фактори на ризик од предвремено раѓање.

„Во пораст е вештачкото оплодување е исто така понекогаш е еден од факторите на ризик, кој го зголемува ризикот и кај мајката и кај плодот.  Инфекциите кај мајките може да предизвикаат сериозни проблеми кај бебињата“, смета доц. д-р Аспазија Софијанова, директор на Клиниката за детски болести, член на Комитетот за безбедно мајчинство.

Мора да се реши проблемот со недостиг на гинеколози кои се претежено во градовите. Се разгледуваат и опциите за поголема грижа и подобар третман на родилките и новодоренчињата во целата држава, на пример кога е најдобро мајката да се транспортира на Клиниката за гинекологија.

„Можеби идејното решение ќе биде создавње една неонатална интензивна клиника во склоп на нашата клиника, да се прошириме и да се справиме со проблемот - смртноста на новороденчиња“, вели д-р Софијанова.

Смртноста кај новороденчињата е глобален проблем. Просек кај нас е сличен со тој во земјите во регионот. Во Хрватска и во Грација има 5 мртви на 1000 живородени. Во Босна и Херцеговина, Србија и Црна Гора има 7 починати на 1000 новороденчиња. Според податоците на комитетите за безбедно мајчинство во Бугарија и во Романија на 1000 новороденчиња има 12 смртни случаи. 

Наташа Јанчиќ