Сирил Рамафоса реизбран за претседател на Јужна Африка

Јужноафриканскиот претседател Сирил Рамафоса е реизбран за втор мандат. Пратениците го изгласаа откако неговата партија „Африкански национален конгрес“ постигна коалициски договор со главната опозиција и други партии. Рамафоса убедливо го победи Јулиус Малема, лидерот на екстремно левичарските борци за економска слобода.

71-годишниот Рамафоса обезбеди втор мандат со помош на пратениците од втората по големина партија, Демократска алијанса, откако АНЦ го загуби 30-годишно парламентарно мнозинство на изборите пред две недели.