Комплетиран предлог составот на новата влада
ВМРО-ДПМНЕ ги потврди идните министри и заменици, предложени од мандатарот Мицкоски. Предлог составот на новата влада е комплетиран и заедно со програмата утре треба да биде доставен во Собранието, додека гласањето се очекува да се случи претстојниот викенд …
Мандатарот Мицкоски го состави новиот владин кабинет што во вторник ќе биде презентиран во Собранието. Од ВМРО-ДПМНЕ и коалицијата за министер за внатрешни работи е предложен доскорешниот технички министер Панче Тошковски. За министер за надворешни работи и надворешна трговија Тимчо Муцунски, за финансии Гордана Кочоска Димитриевска.
Министер за одбрана ќе биде Владо Мисајловски, за вицепремиер и министер за транспорт Александар Николоски, министер за информатичко општество и дигитална трансформација Стефан Андоновски, за локална самоуправа Златко Пирински.
Во новото министерство за енергетика, рударство и минерални суровини за министерка ќе седне Сања Божиновска. Министер за земјоделство, шумарство и водостопанство Цветан Трипуновски. Министер за образование и наука Весна Јаневска, за култура и туризам Зоран Љутков, за спорт Борко Ристовски, вицепремиер за политички систем е Љупчо Димовски. Иван Стоилковиќ е предлогот за односи со заедниците и Шабан Салиу, за интеграција и имплементација на декадата на Ромите.
Од коалицијата „Вреди“ ќе бидат назначени Изет Меџити за вицепремиер и министер за животна средина, Арбен Таравари за министер за здравство, вицепремиер за евроинтеграција треба да биде Орхан Муртезани, министер за социјална политика, демографија и млади Фатмир Лимани, а министер за економија и труд Бесар Дурмиши.
Од движењето ЗНАМ ќе бидат министерот за правда Игор Филков и министерот за администрација Горан Минчев.
Ирина Гелевска