До крајот на месецот ќе се знае дали ќе поскапи струјата

До крајот на месецот ќе се знае дали ќе поскапи струјата. Првиот човек на Регулаторна комисија, Бислимовски, вели дека треба да се почека иако е категоричен дека има неколку лоши вести. Според Бислимовски, цената која што е утврдена за ЕСМ од страна на Владата 60 евра за мегават час, е зголемување за 3 евра од претходната цена. Исто така наместо 100 проценти, сега ќе се обезбедуваат 85% од потребите на малите потрошувачи, домаќинствата кои што се снабдувани од универзалниот снабдувач. Но она на што е категоричен, е, како што вели, грубата манипулација и лага на пекарите дека лебот поскапува заради поскапувањето на струјата.

Топлите денови ја актуализираат и ситуацијата со водата. Според Бислимовски, таа е во исклучително лоша ситуација.

Регулаторна комисија се бори да издејствува единствена цена и за водата, бидејќи, како што вели Бислимовски, сега определува само минимална и максимална цена, а потоа советите на општините носат конечна одлука. На ваков начин, според Бислимовски, има можност за политичка манипулација и игра на цената на водата.

Катерина Топалова