Беснее пожар во јужниот дел на Ново Мексико

Илјадници жители ги напуштија домовите поради шумски пожар во планинско село во јужниот дел на Ново Мексико. Повеќе од 500 објекти се оштетени. Властите претходно прогласија вонредна состојба во округот. Распореди се трупи на Националната гарда. Гувернерот вели дека пожарите се надвор од локална контрола и бара итна интервенција од државата.

„Ги предупредивме луѓето дека станува збор за многу сериозни пожари. Патувањето, во и околу источниот и југоисточниот дел на државата не само што не е дозволено во моментов со затворање на патиштата, туку е обесхрабрено дури и таму каде што патиштата се отворени“, изјави Мишел Лујан Гришам, гувернер на Ново Мексико.

„Овој пожар е опасен и брзо се движи. Ветерот е силен. Правиме сè што можеме, но загрижени сме за безбедноста на пожарникарите, пилотите на авионите, жителите и посетителите“, изјави Лора Мек Карти, Државни шуми на Ново Мексико.