ДЗР: Пропусти и грешки во ФЗО

Непостоењето на единствен интегриран систем за издавање упати, лекарски извештаи и пресметки за извршени здравствени услуги, кои се основа за изготвување на месечни фактури создава ризик од пропусти и грешки, се вели во најновиот извештај на Државниот завод за ревизија за Фондот за здравствено осигурување во извештајот за 2022 година.

Додаваат дека системските и мануелните контроли во процесот на препишување и издавање на лекови не се соодветно воспоставени и спроведени, поради што постои ризик од плаќање на фактури за рецепти во вид и обем различен од реалниот.

Реализацијата на условниот надоместок во јавните здравствени установи нецелосно се следи од Фондот и не се вршат финансиски контроли на наменското трошење на средствата, на набавката и евиденцијата на лековите и на извршените здравствени услуги за 2022 година, се вели во ревизорскиот извештај.