Израелскиот министер за одбрана во посета на САД

Израелскиот министер за одбрана Галант во посета на САД на средба со американски претставници. Пред посетата истакна дека Израел е подготвен за каква било акција во Газа, но и во Либан доколку е потребно.

Додаде дека со американските сојузници ќе разговараат за последната фаза од војната меѓу Израел и Хамас во Појасот Газа.

Претходно, американскиот претседател Бајден ја одложи испораката на воена помош за Израел поради израелските напади врз цивили во Газа.

Израел е под постојани критики од меѓународната јавност поради деветмесечната офанзива што доведе до голем број цивилни жртви и хуманитарна катастрофа во енклавата.