Расчистен случајот со закани кон судија од Уставен суд

Министерството за внатрешни работи информира дека целосно го расчисти случајот пријавен до Секторот за компјутерски криминал на 24.06.2024 од страна на претседателот на Уставниот суд Д.К., кој пријави закани по животот и безбедноста на судија на Уставен суд упатени од С.И. преку социјална мрежа.

Веднаш по добиената пријава, МВР презеде соодветни мерки и беше извршен службен разговор со С.И. во СВР Тетово.

Како што соопштуваат, денеска Секторот за компјутерски криминал до ОЈО Скопје поднесе кривична пријава против С.И. (69) за сторено кривично дело „загрозување на сигурноста“ чл. 144 ст. 5 предвидено и казниво според Кривичниот законик.

Пријавениот С.И. на својот фејсбук-профил упатил сериозни закани и повици за насилство кон судија на Уставниот суд.