Социјалдемократите денеска избираат нов лидер

Социјалдемократите избираат лидер. Над 23 илјади членови на 77 места ќе го дадат својот глас за нов претседател на партијата. До вчера во трката за лидерската позиција беа Јован Деспотовски, Венко Филипче, Славјанка Петровска и Александар Бајдевски.

Кандидатката за претседател на СДСМ, Славјанка Петровска испратила официјално писмо до Централната изборна комисија за претседателските избори во партијата дека ја повлекува кандидатурата. Бара нејзиното име да не стои на избирачкото ливче.

Вели дека вчера укажала на бројни неправилности, но не добила никаков одговор што ги побива нејзините тврдења. До вечер партијата ќе има нов челник.