Европскиот суд ја поддржа француската забрана за носење бурка на јавни места

Европскиот суд за човекови права ја поддржа француската забрана за носење бурка на јавни места и со тоа ја отфрли тужбата на една французинка против државата за кршење на верската  слобода.

Франција има најголемо малцинство на муслимани во Европа. Се проценува дека се 5 милиони. Франција има и најрестриктивни закони за јавно изразување на верата.

Законот за забрана за носење бурка на јавни места е донесен од администрацијата на Саркози во 2010 година. Франција беше првата земја што донесе ваков закон против целосно покривање на лицето и телото. ХИНА пренесува дека одлуката на Европскиот суд за човекови права е конечна.

Соња Стојановски