Сабаленка се повлече од Вимблдон

Третата светска тенисерка Арина Сабаленка ќе го пропушти Вимблдон поради повреда на рамото.

Белорусинката предвреме го заврши вчерашниот тренинг и се повлече од Грен слемот во Лондон.

Срцето ми е скршено што треба да кажам дека нема да можам да играм на Вимблдон оваа година. Пробав сѐ за да се подготвам, но за жал моето рамо не може да се справи. Дадов сѐ од себе на денешниот тренинг, но тимот објасни дека играњето само ќе ги влоши работите. Овој турнир ми значи многу и ветувам дека следната година ќе се вратам посилна од кога било, објави Сабаленка.