Најмалку 116 луѓе се убиени во стампедо во северна Индија

Најмалку 116 луѓе се убиени во стампедо на верски собир во северна Индија, изјави полицискиот инспектор генерал Шалаб Матур, пренесува „Би-би-си“. Инцидентот се случил на сатсанг (хинду религиозен настан) во областа Хатрас во државата Утар Прадеш. Жртвите, меѓу кои и голем број жени и некои деца, сè уште се идентификуваат.

Преживеаните опишаа како се одвивала катастрофата додека се обидувале да го напуштат настанот во селото Мугалгархи. Сè уште не е јасно што довело до стампедо. Сведоците рекоа дека излезот бил премногу тесен и кога луѓето си заминувале, жестоката бура од прашина довела до збунетост и паника, предизвикувајќи многу луѓе да бидат прегазени.

Многу луѓе се обидуваат да ги најдат своите сакани, многу тела се неподигнати. Има недостиг од амбулантни возила – секое носи по две до три тела.

Фото:/ ИндиаТв