Нов инвестициски фонд на ЕУ од 1,2 милијарди евра за Западен Балкан
Претседателката на Европската комисија Урсула фон дер Лајен истакна дека со новиот пакет од 1,2 милијарди евра ќе се направи зајакнување на регионалните врски со квалитетна инфраструктура и зближување кон Унијата на земјите кандидати што е крајна цел на ЕУ...
Со новиот, шести економски и инвестициски фонд од 1,2 милијарди евра за Западен Балкан, ЕУ ќе финансира осум проекти за водоснабдување и канализација, третман на отпадни води, железнички сообраќај и зелена трансформација на малите и средни претпријатија.
Инвестицискиот проект што се реализира во соработка меѓу ЕУ, земјите од Западниот Балкан и меѓународните финансиски институции вклучува грантови од 300 милиони евра од инструментот за претпристапна помош – ИПА 3. Претседателката на Европската комисија Урсула фон дер Лајен истакна дека со новиот пакет од 1,2 милијарди евра ќе се направи зајакнување на регионалните врски со квалитетна инфраструктура и зближување кон Унијата на земјите кандидати што е крајна цел на ЕУ.